會長的話

我好榮幸能夠得到理事會及各位會員的推薦同信任，俾機會我擔任今屆亦係香港中廚師協會嘅第四任會長。

過去4年疫情對飲食業帶來前所未有嘅衝擊同挑戰！但我相信只要我哋團結一心！共同應對！一定會戰勝疫情帶嚟嘅困境！

香港中廚師協會成立19年來，一直以推動中餐廚師嘅廚德、廚藝、廚政為宗旨！紮根香港、交流美食、提升廚藝，聯合業內志同道合嘅廚師，籌辦唔同嘅慈善活動，貢獻社群，從而加強餐飲業界既溝通同合作，團結互助！未來，我哋會更積極開展與大灣區同業嘅各式技術交流，亦會加大力度協助中餐業界培訓人才，務求為本港中式飲食業嘅發展作出貢獻。