top of page

會長的話
香港擁有超過16,000家餐飲食肆,是融合中西文化,享譽全球的「美食天堂」,中菜更加係我哋嘅生招牌!
無論係經典老字號定新派創意粵菜,背後都係經歷幾代中菜廚師對味道嘅堅持同執著,講時令、睇火候、食材配搭,手藝傳承,都係佢地嘅真功夫。
呢一年飲食業慢慢復甦,亦有好多餐廳相繼結業,客人消費模式亦改變左,經營依然唔容易,都係目前大家要面對嘅困難。
香港中廚師協會一直堅持「廚德、廚藝、廚政」,有困難,有挑戰,大家更要團結應對變化,爭取更多資源,為長遠發展打好基礎。
我哋會繼續搞交流、培訓、比賽,慈善,宣揚香港中餐文化,推廣餐廳Ai 數碼化、綠色餐飲,跨菜系融合,為傳統中菜加上新體驗。
團結同業,用匠心守護傳統,用創意勇於求變,將中餐呢個寶藏代代相傳,繼續發光發亮!
{ 無私奉獻精神,傳承中華廚藝 }
江肇祺
香港中廚師協會
會長
二〇二六年九月十一日
bottom of page
